Nú saltar fólk sína síld sjálft

Það var líf og fjör á Róaldsplaninu í fyrradag er Síldarminjasafnið gaf fólki kost á því að kaupa nýveidda síld og salta til eigin nota. Sumir fengu aðstoð frá síldarstúlkunum góðu en aðrir höfðu engu gleymt og söltuðu sem þau væru á miðri vertíð.
Það má segja að þetta hafi verið enn ein fjöður í hattinn hjá Síldarminjasafninu því margir lögðu leið sína á planið ýmist til að salta eða bara til að fylgjast með.