Nýbygging við Hafnargötu 4

 

Ég hitti Vernharð Skarphéðinsson á Hafnargötunni fyrir stuttu síðan.

 

Þeir sem þekkja til Venna vita að það er alltaf gaman að hitta hann og gleðin og bjartsýnin er alltaf í fyrsta sæti hjá honum. Það þarf víst ekki að taka það fram að áhuginn á smíðum og vinnunni er gríðarlega mikill hjá Venna.

 

Venni eins og ég kalla hann alltaf var í óða önn að undirbúa það að steypa grunn(vona að þetta sé rétt hjá mér) fyrir nýja húsið.  

 

Húsið mun standa við Hafnargötu 4 og verður vafalaust fallegt og hvergi kastað til hendi ef ég þekki Venna rétt.  Húsið verður 2. hæða timburhús og áætlar Venni að húsið rísi á næsta ári ef allt gengur eftir.

 

 Það er alltaf gaman að sjá nýbyggingar rísa á Sigló. Undanfarin ár hafa nokkur ný íbúðarhús risið á Sigló og vonandi heldur þessi þróun áfram.