Nýi 10.000 kallinn kominn á Sigló

Ekki var seinna vænna en akkúrat núna að fá nýja 10.000 kallinn til Siglufjarðar.

 

Þar sem hinir bréfpeningarnir þ.e.a.s 500 kallinn, 1000 kallinn og 5000 kallinn eru orðnir næstum því verðlausir. 2000 kallinn er líklega týndur og klinkið þvælist bara fyrir í vösum og veskjum.

 

Ég sé fyrir mér að í hugsanlegri endurgerð bókarinnar af Hans og Grétu gæti Gréta hent 1, 5 og 10 króna peningum á jörðina til að getað ratað heim aftur, það myndu líklega fáir nenna að hirða það upp af götunni (sökum rýrnunar á verðgildi eða eitthvað annað álíka stórmerkilegt fjármála-tungumál) þannig að leiðin væri örugg heim. 

 

Gulli Stebbi og Bjössi Sveins héldu seðlinum stolltir á milli sín þegar ég rölti inn í Sparisjóð Siglufjarðar fyrir mjög stuttu síðan til að tékka á mínusnum á reikningnum mínum.

 

Einhver vandræðagangur var með það að halda á seðlinum eins og reyndar hjá fleiri aðilum sem fengið hafa seðilinn í hendurnar en það reddaðist allt hjá þeim að lokum.

 

Allavega er nýi seðillinn kominn í hús og líklega slegist alveg um að fá þetta bréfsnifsi í hendurnar.

 

 

Bjössi Sveins og Gulli Stebbi stolltir með 10.000 krónurnar á milli sín.

 

Þetta er ekki photosjoppað, peningurinn er þarna einhvers staðar á leið niður á gólf.

 

Gulli heldur andliti en Bjössi beygir sig á eftir peningnum.

 

 

Ótrúlega ánægðir með nýja seðilinn.