Múlagöngum (Ólafsfjarðargöngum) lokað vegna grjóthruns

Múlagöngin (Ólafsfjarðargöngin) lokuðust um ellefuleytið  í gærkvöldi þegar grjót féll úr klæðningunni og á veginn. Fjarlægja þurfti eitt vörubílahlass af grjóti áður en göngin voru opnuð aftur í morgun. Litlu mátti muna að slys yrði þegar  bifreið var ekið á grjóthrúguna en ökumaðurinn slapp sem betur fer ómeiddur.