Óvenjuleg sýning

Fréttir

Óvenjuleg sýning

Natalie Caroline og Fiann Paul

Ræðarinn og ljósmyndarinn, Fiann Paul, var í óða önn að setja upp sýningu sína á Bátahúsinu þegar fréttamann siglo.is bar að garði í morgun. Samferðakona hans, Natalie Caroline, var honum til hjálpar með hamar og nagla.

Sýningin samanstendur af þrjátíu og tveimur ljósmyndum sem allar eru teknar á Grænlandi. Það óvenjulega við sýninguna er að hún er hönnuð til að vera utandyra og þola öll veður.

Siglfirðingar eru hvattir til að leggja leið sína á staðinn og fá sér göngutúr kringum Bátahúsið og skoða þessar frábæru myndir af framandi slóðum.

Sýningin ber heitið „Þaðan sem norðanvindurinn kemur þar býr fólk með gott hjartalag“.