RUV keyrir um þverbak, handbolti í beinni hefur forgang fyrir stjórnarmyndun þjóðar í kreppu
Þjóðin er í bankakreppu, stjórnarkreppu, og greinilega að auki í tilvistarkreppu ef það þykir sjálfsagt að bein útsending af handboltaleik hafi allan forgang í dagskrá dagsins.
Ný
ríkisstjórn er að taka við, að vísu einungis til 83ja daga en á þeirri
stundu að verkefnalisti nýrrar ríkisstjórnar er kynntur þá er útsending
rofin til að hefja sýningu handboltaleiks!!!
Ekki hefur púðrið verið sparað í fréttatímum síðustu daga til að spekúlera í hvaða einstaklingur muni sitja hvaða ráðherrastól næstu 12 vikurnar.
En þegar kemur að því sem megin máli skiptir - þ e. sjálfum verkefnalista þessarar nýju ríkisstjórnar, þá skyndilega er það handbolti sem öllu máli skiptir fyrir þjóðina að missa nú ekki af.
Mér er næst að halda að við sem þjóð eigum kreppuna skilið. Forgangsröðun sem þessi er fádæmavitlaus.
Athugasemdir