SagaKlass mætir aftur og kyndir undir dansskóm Siglfirðinga

SagaKlass pósar

Það má búast við bæði stuði og stemningu í Allanum laugardaginn 6. nóvember þegar SagaKlass, ein albesta danshljómsveit landsins, treður þar upp.

Því miður er ekki of oft sem SagaKlass gefst ráðrúm til að skreppa út fyrir höfuðborgarsvæðið til að spila segir Cecilía söngvari við Sigló.is um leið og hún skoraði á alla dansfíkla, stuðbolta og aðra til að skunda á staðinn.

Það eru fáar hljómsveitir á klakanum sem kynda jafn vel undir dansskónum og SagaKlass og sjálfsagt mörgum enn í fersku minni hvílíkt ógnarstuð var síðast þegar hljómsveitin kom við á Sigló. Fastlega má reikna með því að sú stemmning verði endurvakin næstkomandi laugardag.