Sandra og Steina opna Kjólakistuna í kvöld

Þær stöllur Sandra og Steina stofnuðu nýlega fyrirtækið Kjólakistan sem er kvenfataverslun á netinu. Sigló.is kíkti við í Kjólakistunni og rakst þar á Söndru sem var að undirbúa kvöldið en þær verða með fatakynningu í Bláa húsi Rauðku við höfnina klukkan 20:00 í kvöld.



Það lá vel á Söndru þegar Sigló.is kíkti við í Kjólakistuna en hún var í óða önn við að undirbúa kvöldið. Fjölbreyttu úrvali flíka hafði ötullega verið komið fyrir á hengjunum en Kjólakistan sérhæfir sig í netsölu á kvenfatnaði og fylgihlutum þeirra. Forvitnilegt verður að líta við hjá þeim stöllum í kvöld og skoða úrvalið.