Sigur í fyrsta leik

Leikmenn HKS unnu góðan sigur í fyrsta leik sínum í utandeildinni í handknattleik.

Lokatölur í leiknum urðu 28 - 24 heimamönnum í vil.



Heimamenn byrjuðu vel í leiknum og komust í 5 -1 en í hálfleik munaði 3 mörkum.

Lið HKS hélt 2 til 3 marka forystu nánast allan leikinn en sprækt lið Lauga sem er í töluvert betra formi náði að minnka munin niður í 1 mark þegar um 10 mínútur lifðu leiks.

Heimamenn gáfu þá aftur í og tryggðu sér öruggan sigur 28 - 24.

Að öðrum ólöstuðum var Birgir Egilsson sennilega maður leiksins hjá heimamönnum en hann sýndi góð tilþrif á milli stanganna og varði m.a. tvö víti í leiknum.

Þetta var ágætis upphitun fyrir stórleik helgarinnar á móti Fram í bikarkeppni HSÍ.

Lið Fram er í fanta formi þessa dagana og kjöldrógu þeir í gærkvöldi lið Vals í N1 deild karla.

Það verður því við ramman reip að draga fyrir heimamenn.

Leikurinn fer fram í íþróttamiðstöð Siglufjarðar og hefst kl. 15 á laugardaginn.