Smástrákar á Gufuskálum

Dagana 23-25 apríl dvaldi unglingadeild Smástráka í æfingabúðum björgunarsveita á Gufuskálum og hitti þar fyrir 5 aðrar unglingadeildir.

Á laugardeginum fékk hópurinn sér morgunmat áður en honum var skipt í 8 hópa fyrir póstavinnuna þar sem æft var sig, reykköfun, fyrsta hjálp, göngin og rebbinn (það er strengdur vír úr turn og yfir í hús og krakkarnir renndu sér eftir því). Um kvöldið var síðan kvöldvaka frá 21-og frameftir kvöldi.

Á Sunnudeginum var keppni á milli hópa í póstunum, síðan var matur og haldið heim á leið um kl 14 eftir skemmtilega helgi. Það var stoppað í Borgarnesi og farið í sund og borðað í Staðaskála.

Að sögn umsjónarmanna Smástráka stóðu krakkarnir sig eins og hetjur alla helgina.