Sólarpönnukökur Sjálfsbjargar

Árni Heiðar Bjarnason fór með myndavélina og tók nokkrar myndir í Sjálfsbjargarhúsinu í dag, mánudaginn 27. janúar en á morgun 28. janúar verður fyrsti sólardagur Siglfirðinga. En 15. nóvember sást sólin síðast. 

 

Búið er að panta á milli 1600 og 1700 pönnukökur hjá Sjálfsbjörg þannig að það var nóg að gera hjá stúlkunum við að baka. 7 konur með 7 pönnur voru á fullu og enn fleiri að sinna öðrum störfum í kring um sólarpönnukökurnar.

 

Opið verður frá 08:00-16:00 28. janúar og þá geta minni spámenn sem klikkuðu á því að gera magnkaup og panta í tæka tíð  reddað sér með því að kíkja við hjá stúlkunum og kaupa nokkrar sólarpönnsur.

 

Hér eru svo nokkrar myndir sem Árni tók í dag þegar allt var vægast sagt á fullu í undirbúning fyrir fyrsta sólardag.