Sönghópurinn Gómar á tónleikum í Allanum.

Um páskahátíðina var margt um að vera í Fjallabyggð í tónlistarlífinu. Sönghópurinn Gómar ásamt gestasöngvurunum þeim Róberti Óttarssyni, Sævari Sverrissyni og Lísu Hauksdóttur, voru með tónleika í Tjarnarborg á skírdag og á Allanum, Siglufirði, á laugardeginum.

Fjöldi fólks sótti tónleikana, sem í alla staði voru vel heppnaðir. Er þetta orðinn árviss viðburður hjá þeim félögum. Ásamt sönghópnum komu fram hljómlistamennirnir Gulli Helga á bassa, Magnús Ólafsson á gítar og Sturlaugur Kristjánsson á hljómborð og sem hljómsveitastjóri.