Miðvikudagur 28. september 2011
Varðskipið ÞÓR sigldi í dag kl. 16:29 að íslenskum tíma, úr höfn Asmar skipasmíðastöðvar sjóhersins í Chile þar sem skipið hefur verið í smíðum frá árinu 2007. Framundan er sjö þúsund sjómílna sigling (um fjórtán þúsund kílómetrar) til Íslands.
Leiðin liggur upp með Suður-Ameríku, gegnum Panamaskurðinn, upp til Boston og þaðan til Halifax. Verður síðan siglt yfir Norður Atlantshafið áleiðis til Vestmannaeyja. Koma til Eyja er áætluð miðvikudaginn 26. október. Ef allt gengur eftir á Þór að koma til hafnar í Reykjavík fimmtudaginn 27. október.
ÞÓR var afhentur Landhelgisgæslunni sl. föstudag en Georg Kr. Lárusson forstjóri Landhelgisgæslunnar veitti skipinu viðtöku ásamt Ragnhildi Hjaltadóttur ráðuneytisstjóra í innanríkisráðuneytinu í ASMAR skipasmíðastöð sjóhersins í Chile. Sjá frétt um afhendinguna hér.
Helstu stærðir varðskipsins Þórs til samanburðar við varðskipið Týr
|
v/s TYR - Helstu stærðir |
Nýtt varðskip - Helstu stærðir |
|
Eigin þyngd ......................... 342 Tonn Brúttótonn......................... 1.271 Tonn |
Eigin þyngd .......................... 1,000 Tonn Brúttótonn .............................4250 Tonn |
Athugasemdir