Stóreldhús Rauðku

Nýlega komu hjónin Heimir Magni Hannesson matreiðslumaður og Ingunn Björnsdóttir matartæknir heim frá Þýskalandi, þar sem þau sóttu tveggja daga námskeið í notkun Convotherm iðnaðarofna.

Convotherm er að sögn Heimis stærsti framleiðandi iðnaðarofna í heiminum.

Í stóreldhúsi Rauðku eru svokallaðir combi ofnar frá Convotherm, þar sem samspil hita og gufu er notað á margvíslega vegu.

Ofnarnir eru með lokað kerfi, þannig að loft fer hvorki inn í ofninn eða út við eldun, sem gerir það að verkum að maturinn verður miklu betri.

Með sérstakri gufusteikingu og undirþrýstingi í ofninum helst rakinn betur í matnum og næringarefnin og bragðgæðin haldast betur.

Svo er hægt að stilla á "crisp and tasty" til dæmis fyrir purusteik.

Ofnarnir eru forritanlegir svo hægt er að setja inn mismunandi uppskriftir í þá, auk þess eru þeir uppfæranlegir, og hægt að setja í þá snertiskjá til að stilla.  Svo er hægt að tengja ofninn við tölvu og fylgjast þannig með því sem er að gerast í ofninum.

Ofninn er með sjálfhreinsikerfi, þannig að einungis þarf að tengja við hann þvottaefni og gljáa, ýta á nokkra takka og þá hreinsar ofninn sig betur en hægt væri á "gamla mátann".

Þetta eru greinilega alvöru tæki.

Hér eru myndir frá námskeiðinu ytra.