Stórheimsókn MA

Í dag, fimmtudag, var 140 manna hópur frá Menntaskólanum á Akureyri í heimsókn á Siglufirði. Þetta var 1. bekkur, heill árgangur, í fimm bekkjardeildum ásamt kennurum sínum. Fóru hóparnir á milli fimm stöðva á Síldarminjasafninu, Þjóðlagasetri og kirkjunni þar sem þeir fengu viðeigandi fræðslu heimamanna. Annríkið á safninu stóð frá kl. 10 til 16 og mátti líkja við meðalheimsókn skemmtiferðaskips.
Þessi námsferð MA sýnir okkur hvaða tækifæri bjóðast Norðlendingum með komu nýju jarðganganna.