Stóri sandkassinn á Rauðku lóðinni er að verða klár.

 

Þegar mér var litið út um gluggann í græna húsinu sem er beint á móti rauða húsinu í austurátt (semsagt græna húsið er austan við það rauða og það rauða heitir Rauðka, Siglfirðingar skilja þetta vonandi) síðast liðinn þriðjudag sá ég einhverja hreyfingu í stóra sandkassanum á Rauðku lóðinni.

 

Ég ákvað að standa upp úr hægindastólnum , rölta út og tékka á þessu pari sem var að athafna sig þar. Örþreyttur rölti ég niður og út á lóð.

Þar voru Anna María og Óskar að gera strandblakvöllinn klárann.

 

Reyndar hélt ég alltaf að þetta væri sandkassi fyrir börn til að dunda sér í á meðan foreldrarnir slökuðu á í huggulegheitum við höfnina. En sá sandkassi (barnasandkassinn) er við hliðina á stóra sandkassanum (strandblaksvellinum).  

 

Fyrsti leikur sumarsins á held ég að vera í dag. 

 

 Það er alveg á hreinu að ég á einhvern daginn eftir að rústa Gulla Stebba í strandblaki á þessum strandblaksvelli.

Gulli Stebbi er nefnilega alltaf að tala um blak og strandblak og blak þetta og blak hitt, þannig að ég verð bara að þagga niður í honum með þetta. Og ef einhver býður sig fram til að hjálpa mér (vinsamlegast einhver sem er mjög góður í blaki) þá má sá hinn sami endilega hafa samband. Eftir því sem ég bezt veit þá eru 2 í liði í svona strandblaki. Allavega kom það í ljós þegar ég googlaði "women beach volleyball team in the sun" . 

 Ég mæli sterklega með því að kíkja niður á höfn , fá sér kaffi eða eitthvað sterkara fyrir þá sem það vilja, kíkja á bátana og svo auðvitað strandblakið í leiðinni.

 

Gulli Stebbi, ég er að skora á þig. (Bara einhverntíman í sumar sko, ekki alveg strax).

 

Hérna eru nokkrar myndir af Önnu og Óskari að græja völlin og svo nokkrar af strandblökurum. Magnað orð, "strandblökurum" .

 

 

 

 Anna og Óskar að fella netið.

 

 

 

Óskar.

 

 

Anna að segja Óskari hvernig á að gera þetta rétt.

 

 

Þau kunna þetta.

 

Svo koma nokkrar myndir sem ég fann á netinu af strandblaki.

Ég held að þessi sé tekin á Costa del Sol.

 

Örugglega Credit mótið á Spáni.

 

 

Braszilíska landsliðið í strandblaki.

 

Og svo nokkrar myndir af strákunum í strandblakinu.