Sumardagurinn fyrsti á skíðum

 

Hvert sem litið var voru Siglfirðingar að njóta veðursins. Margir skelltu sér í göngutúr í góða veðrinu, enn aðrir sátu fyrir framan kaffihús og sjoppur og svo voru margir sem nýttu daginn vel í að ditta að húsum sínum og görðum.

 

Ég skellti mér á skíði í góða veðrinu. Færið var í þyngri kantinum og frekar erfitt að skíða í troðnum brautum. 

 

Núna eru margir sem eru að æfa skíði á Andrésar Andar leikunum á Akureyri og foreldrarnir að sjálfsögðu margir hverjir með þannig að það var með rólegra móti í fjallinu þó svo að þónokkur fjöldi hafi verið á skíðum. Sérstaklega ef maður miðar við skíða-páska vertíðina.

 

Þegar ég kom úr fjallinu um 15:00 þá stóð á bankahitamælinum að það væri 16 stiga hiti.

 

En skíðasvæðið skartaði sínu fegursta og ég náði að smella af nokkrum myndum.

 

Þvílík blíða.

 

 

Brynjar Guðmunds var hæstánægður í lyftunni.

 

Mark Duffield 

 

Brynjar Guðmundsson í miðjunni. Mark Duffield vinstra megin í sólgleraugunum og Hrólfur Baldurs hægra megin í sólgleraugunum.

 

Stefán Sigurðsson og Siglufjörður í baksýn. Stefán sem er vanur keppnismaður á skíðum (vanur keppni á Andrésar Andar leikunum) var dolfallinn yfir því hvað skíðasvæðið á Sigló væri dásamlegt.

 

Steinunn, Harpa og Stefán. Harpa er sérstaklega góð í því að renna sér skíðum og á rassinum niður fjallið. 

 

Emma, Ólöf og Steinunn.