Sumarið búið ?

Starfsmenn bæjarins byrjuðu í morgun að taka niður sviðið við Ráðhústorg. Það er alltaf einn af vorboðunum á Siglufirði þegar að sviðið rís við torgið en að sama skapi þá markar það ákveðin lok sumars þegar sviðið hverfur á ný.

Þrátt fyrir smá rigningu í dag er ekkert haustveður í kortunum. Einmuna hlýindi hafa verið dag eftir dag og veðurútlitið er gott fyrir helgina.

Rigningin er góð fyrir gróðurinn og vatnsbúskapinn en það léttir sennilega til á morgun og gott veður í kortunum.

Sumarið er svo sannarlega ekki búið þó svo að sviðið sé að fara.