Sveitamarkaðurinn sló í gegn

Sveitamarkaðinn sem haldinn var á Steinaflötum í gær tókst svo sannarlega vel.

Mikill fjöldi gesta sótti veitamarkaðinn og áætla gestgjafar að um 150 - 200 manns hafi mætt.

Einmuna veðurblíða hefur verið á Siglufirði undanfarna daga og allt útlit fyrir áframhald á því.

Fjölmargir nýttu sér góða veðrið og komu margir gangandi á markaðinn og nutu dagsins í sveitasælunni á Steinaflötum.

Tekist hefur afar vel að gera upp húsið, jafnt að innan sem utan og var ekki annað að sjá á gestum að þeir kynnu vel að meta það sem í boði var.

Þarna mátti versla ýmiskonar varning auk þess sem boðið var upp á kaffi og kræsingar af ýmsu tagi.

Stemningin sem myndaðist var afar skemmtileg, gamaldags og svolítið sveitó- alveg eins og efni stóðu til.

Frábært framtak hjá öllum sem komu að þessu verkefni.


   
Stemningin á Steinaflötum var heimilsleg og notaleg, Daníel Pétur Daníelsson annar gestgjafanna spilaði nokkur vel valin lög fyrir gesti.

,,Krúttlegt og kósý". Þannig lýsti einn gesta sveitamarkaðarins stemningunni.