Það er svalt að vera upplýstur

Björgunarsveitin Strákar gerir nú átak í notkun endurskinsmerkja með því að gefa öllum börnum á Leikskálum og Grunnskólanum hér á Siglufirði endurskinsmerki.
Þetta er sannarlega þarft framtak hjá í Björgunarsveitinni því ökumaður sem ekur bifreið með lágum ljósum sér dökkklæddan einstakling án endurskinsmerkis fyrst úr 25 metra fjarlægð en ef sá dökkklæddi er með endurskinsmerki sér ökumaðurinn hann í 125 metra fjarlægð.