Það er svo margt

„Það er svo margt ef að er gáð ...“ Á ferðum göngumanna um siglfirsku fjöllin ber margt nýtt og óvænt fyrir augu. Tveir voru á ferð framarlega í Skútudal í sumar og gengu þar fram á mikla stuðlabergsskriðu.

Ógrynni stuðla, flestir brotnir, liggja þarna í langri, breiðri og þykkri skriðu í fjallshlíðinni. Engu er líkara en ristastór stuðlastapi hafi splundrast og fallið í milljón brotum niður brattann. Áhugaverður skoðunarstaður sem vert er að mæla með.

Mynd og texti: ÖK