Söngur og dans í Bláa-húsinu

Fréttir

Söngur og dans í Bláa-húsinu

Regína Guðlaugsdóttir

Í gær var undirbúningsfundur vegna stofnunar kvæðamannafélags og þjóðdansafélags í Fjallabyggð. Á fundinn mætti góður hópur manna og kvenna sem tók vel undir í söng, kveðskap og dans.

Regína Guðlaugsdóttir sagði frá danskennslu í grunnskólanum sem hún sá um til fjölda ára og til sýnis voru dansbúningar sem voru hannaðir og saumaðir fyrir danssýningar nemendanna.

Síðast en ekki síst komu félagar frá dansfélaginu Vefaranum í heimsókn. Þeir sögðu frá starfsemi sinni og létu alla dansa hringdans. Það er augljóst að mikill áhugi er fyrir dansfélagi og kvæðamannafélagi í Fjallabyggð því nú þegar hafa skráð sig 17 í kvæðamannafélagið og 20 í dansfélagið.