Þjónustumiðstöð

Rauðka opnaði í gær upplýsinga- og þjónustumiðstöð sína í Danna (bláa húsinu) og er aðstaða öll hin glæsilegasta.

Danni (bláa húsið) kemur til með að vera upplýsinga- og þjónustumiðstöð fyrir Siglfirðinga, ferðamenn og aðra gesti. 

Í þjónustumiðstöðinni getur fólk komið og fengið upplýsingar um þá þjónustu sem í boði er í bænum.

Auk þess að sinna upplýsinga og þjónustuhlutverki er hægt að gæða sér á ýmsum veitingum m.a. ís og pylsum.

Einnig verða til sölu ýmiskonar minjagripir og það stendur einnig til að halda myndlistasýningar í rýminu.