Þökkum frábæra páska

Nú þegar vika er liðin frá páskum hefur Sigló.is sett saman myndband í samstarfi við skíðasvæðið í Skarðsdal til að þakka frábæra og vel heppnaða páska. Alls sóttu um 4.200 manns skíðasvæðið yfir páskahelgina með góðum undirtektum og er það mikil aukning frá fyrri árum.

Óhætt er að segja að veturinn 2008-2009 hafi markað tímamót í sögu skíðasvæðisins á Siglufirði en aðsókn af því hefur margfaldast frá fyrri árum. Þá hafa gestir svæðisins einnig látið mjög vel af því og gistingar hafa núþegar verið bókaðar hjá þjónustuaðilum í bænum fyrir páskana 2010. Er því óhætt að þakka Agli og starfsmönnum hans á skíðasvæðinu fyrir frábært innlegg í ferðaþjónustu á Siglufirði.

Sigló.is vill einnig minna á að nægur snjór er enn á skíðasvæðinu svo það er um að gera að skella sér á skíði á meðan vorar í firðinum.

Myndbandið má finna HÉR