Þór Jóhanns og safnið hans

Þór Jóhannsson er mikill safnari og hefur bjargað ótrúlega mörgum hlutum frá glötun.

 

Ég fékk að kíkja á brot af safni Þórs. En það sem ég fékk að sjá hjá honum núna eru miðar af flöskum með drykkjarvörum. Þetta sem maður hefur svo ótal sinnum heyrt talað um en aldrei séð.

 

Það er líklegt að einhverjir kannist við miðana sem á flöskunum voru og vonandi rifjar þetta upp gamlar góðar minningar um horfna drykkjarvöru.

 

Hér eru nokkrir miðar merktir Lyfjabúð Siglufjarðar.

 

Efnagerð Siglufjarðar. 1 stk Valash. Andrés Hafliðason

 

Lyfjabúð Siglufjarðar.

 

Steingrímur Einarsson læknir.

 

Vörur sem voru til sölu hjá Efnagerð Siglufjarðar. Sjálfsagt muna einhverjir eftir þessum drykkjarvörum og jafnvel geta ímyndað sér bragðið þegar þeir sjá miðana.

 

Hér eru miðar af vörum frá Efnagerð Akureyrar.

 

Vörur frá Efnagerð Akureyrar.

 

Vörur frá Sana Akureyrar. 

 

Gosdrykkjaverksmiðjan á Akureyri. Lageröl. Aftappað með hreinsivélum.

 

Citronsodavatn frá Gosdrykkjaverksmiðju E. Einarssonar á Akureyri.

 

Svo kemur einn frá Geysi.

 

Svo kroppaði ég nokkra miða út frá myndunum hér fyrir ofan. 

 

Ég man eftir Jollý Cola. Hugsanlega fæst Jolly Cola ennþá.

 

 

Valash. Maður hefur ótal sinnum heyrt talað um drykkinn Valash og líklega muna mjög margir eftir honum. Enn í dag heyrir maður menn biðja um Valash á Siglufirði og er það þá oftast notað yfir appelsín. Ég veit ekki hvort það er bein tenging þarna á milli, hugsanlega getur einhver frætt okkur á því hvort Egils appelsínið sé í raun og veru ættað frá Valash. Svo var annað sem ég vissi ekki og fylgdi aldrei umræðunni um Valash en það er að þessi eðal drykkur hafi verið blóðaukandi.

 

Mix. Þetta er nú ennþá til þó svo ég viti ekki hvort þetta er sé nákvæmlega sami drykkur og þessi sem er seldur í búðum í dag. En eina sögu hef ég heyrt af drykknum MIX en hún er á þann veg að drykkurinn hafi orðið til vegna mistaka við blöndun bragðefna. En mistökin hafa greinilega verið mjög góð ef útkoman er drykkurinn MIX.

 

Cream soda. Ég veit nú ekki alveg hvað þetta er en ég hef örugglega séð flösku með svona miða áður þó það sé nú alls ekki hundrað prósent öruggt. Hugsanlega eru bara gömlu miðarnir svona vinalegir að manni finnst maður hafa séð þetta allt saman áður.

 

 

Við viljum þakka Þór alveg sérstaklega vel fyrir og vonandi fáum við að kíkja í safnið hans nánar á næstunni.