Tígulkvartettinn heldur áfram tónleikaferð sinni um norðurland um helgina.

Tígulkvartettinn og Petrea Óskarsdóttir

Tígulkvartettinn heldur áfram tónleikaferð sinni um norðurland um helgina. Er nú ferðinni heitið til Ólafsfjarðar. Tónleikar verða í Ólafsfjarðarkirkju laugardaginn 9. mars kl 17.

Tígulkvartettinn skipa Zsuzsanna Bitay fiðluleikari, Tomasz Kolosowski fiðluleikari, Pawel Kolosowski víóluleikari og Ásdís Arnardóttir sellóleikari.

Þau munu leika strengjakvartetta nr. 2 í G dúr eftir Mozart og nr. 1 í F dúr eftir Beethoven. Einnig verður leikið Lundúnatríó eftir Haydn.

Gestur á tónleikunum er Petrea Óskarsdóttir þverflautuleikari.

Miðaverð kr. 2.500,- Fyrir eldri borgara kr. 1.500,- og ókeypis fyrir námsfólk.

Menningarráð Eyþings styrkir tónleikana.