Tjaldstæðið 9. október 2010

Það er frekar óvenjulegt að sjá líf á tjaldstæðinu í byrjun október. Það var engu líkara en að það væri enn sumar og mátti sjá nokkra húsbíla á tjaldstæðinu.

Haustið er búið að vera ótrúlegt, veðurfarið hefur verið með eindæmum gott, grasið iðagrænt og gróður enn í blóma á mörgum stöðum.

Siglufjörður hefur skartað sínu fegursta í haustblíðunni og tekið hlýlega á móti þeim fjölmörgu gestum sem hafa lagt leið sína til bæjarins.

Þetta hefur svo sannarlega verið mikill og góður sumarauki.