Umhverfi Síldarminjasafnsins að breytast

Fréttir

Umhverfi Síldarminjasafnsins að breytast

Síldarminjasafnið er eitt stærsta sjóminja- og iðnaðarsafn landsins. Í sumar hafa staðið yfir framkvæmdir á lóð og umhverfi safnsins.

Hafin var smíði á bryggju sem tengir safnhúsin saman og mun því verki ekki ljúka fyrr en á næsta ári. Með tilkomu bryggjunnar mun aðkoma rútugesta aukast til muna.

Síðan var umhverfið meðfram Snorragötu lagað í framhaldi af framkvæmdum sem Vegagerðin og Fjallabyggð fóru í, með tilkomu á færslu Snorragötu og nýjum gangstéttum. Ásýnd safnsins hefur gjörbreyst með öllum þessum framkvæmdum, og er starfsfólki safnsins, iðnaðarmönnum og öðrum, sem komu að lóðar framkvæmdinni til sóma.