Umsóknum að Herhúsinu fjölgar stöðugt.

Herhúsinu hafa borist 50 umsóknir um dvöl í húsinu í sumar. Umsækjendur eru frá 19 löndum; 15 frá Bandaríkjunum,
7 frá Bretlandi, 4 frá Íslandi, 3 frá Hollandi, Kanada og Þýskalandi, 2 frá Frakklandi og Serbíu og 1 frá Kóreu, Írlandi, Taílandi, Eistlandi, Póllandi, Svíþjóð, Danmörku, Tékklandi, Slóvakíu, Ísrael og Alsír.

Nokkrar umsóknir hafa borist nú þegar fyrir næsta vetur og næsta ár. 
Húsið hefur verið fullbókað jafnt sumar sem vetur síðustu ár.

Listamennirnir sem hafa dvalið hér hafa allir verið yfir sig hrifnir af vinnuaðstöðunni , Siglufirði og náttúrufegurðinni hér í kring. Nokkrir ætla að sækja aftur um dvöl á öðrum árstíma og sumir hafa jafnvel sýnt áhuga á að eignast hér hús.