List án landamæra.

Fréttir

List án landamæra.

Upplestrarfólkið

Í gær fór verkefnið List án landamæra fram í Fjallabyggð. Fimm dömur komu þá við á nokkrum stöðum og lásu ljóð eftir nokkur landsþekkt ljóðskáld.

Þær hófu lesturinn við sundlaugina í Ólafsfirði, síðan var haldið í sundhöllina á Siglufirði , þá var gert stutt stopp á Rauðkutorgi og endastöðin var hið nývígða Ljóðasetur Íslands á Siglufirði. Var gerður góður rómur að lestrinum og þótti mörgum kærkomið að fá ljóðalestur í eyra í önn dagsins.

Á heimasíðu verkefnisins má sjá þennan texta þar sem fjallað er um markmið þess: Markmið hátíðarinnar er fjölbreyttni, að sjá tækifæri ekki takmarkanir, það er allra hagur.

Við viljum koma list fólks með fötlun á framfæri og koma á samstarfi á milli fatlaðs og ófatlaðs listafólks.
Sýnileiki ólíkra einstaklinga er mikilvægur, bæði í samfélaginu og í samfélagsumræðunni. Sýnileiki hefur bein áhrif á jafnrétti á öllum sviðum. Menningaráð Eyþings styrkir verkefnið.