Uppskeruhátíð Hestamannafélagsins Glæsis

Síðastliðinn laugardag hélt Hestamannafélagið Glæsir sína árlegu uppskeruhátíð.
Fyrst fór fram Firmakeppni og voru 32 fyrirtæki skráð í keppnina, og í kjölfar hennar Stefánstölt sem haldið er í minningu fyrsta formanns Glæsis, Stefáns Stefánssonar frá Móskógum. Töltmótið var dæmt út frá hefðbundnum reglum en í firmakeppninni voru frjálslegri reglur, tilþrif og taktar meira metnir! Firmakeppnin fór þannig fram að knapar riðu tvo hringi á skeiðvellinum og dómarar dæmdu gang hestsins og tilþrif, sá sem stóð sig betur hélt áfram en hinn var úr leik. Þrettán knapar voru mættir til leiks með gæðinga sína og að lokum stóð Katrín á Ofsa uppi sem sigurvegari, en hún keppti fyrir Allann Sportbar. Í Stefánstöltinu sigraði  Rúnar Marteinsson á Mána, Katrín Haraldsdóttir var í öðru sæti á Ofsa og Ólafur Haraldsson í þriðja sæti á Hlyni. Að lokinni keppni var boðið upp á kaffiveitingar í Glæsibæ. Dómarar voru, Magnús Jónasson og Stefán Birgisson. Fleiri myndir HÉR


Mikael Már Unnarsson

Guðný Eygló, Eva, Óli, Katrín & Rúnar

Mikael, Elísabet Alla, Oddný Halla, Guðrún Hulda