Úrslit Norðurlandsmótsins – glæsilegur árangur TBS
Norðurlandsmótið í badminton fór fram í íþróttahúsinu á Siglufirði síðastliðinn laugardag og stóðu Siglfirðingar sig þar með mikilli prýði. Arnar Þór Björnsson og Daníela Jóhannsdóttir urðu þrefaldir Norðurlandsmeistarar.
María Jóhannsdóttir sendi okkur myndir og yfirlit yfir úrslitin mótsins en þetta var síðasta mót vetrarins og gekk það vel í alla staði. Vildi hún nýta tækifærið og koma á framfæri sérstökum þökkum til allra þeirra sem hafa aðstoðað í vetur í ferðalögum, við undirbúning og framkvæmd Norðurlandsmótsins og þakka foreldrum fyrir samstarfið í vetur.
Úrslit:
Arnar Þór Björnsson og Daníela Jóhannsdóttir urðu þrefaldir Norðurlandsmeistarar (Einliðaleik.- Tvíliðaleik. – Tvenndarleik).
TBS var með alls 13 titla (14 gull og 14 silfur í unglingaflokkum: 5 gull og 6 silfur í fullorðinsflokkum)
TBA með 6 titla
Samherji með 3 titla
Fleiri myndir frá mótinu má sjá hér
Athugasemdir