Útgerðarfélagið Bylur ehf

 

Ástæðan fyrir þessum bryggjurúnti svona rétt fyrir kvöldmat var sú að ég fékk fréttir af því að það væri nýr bátur að bætast í flota Siglfirðinga og nýtt útgerðarfélag að bætast í hóp þeirra sem fyrir eru. 

 

Þeir feðgar Tómas Óskarsson og Örvar Tómasson voru að stofna útgerðarfélag. Eins og mér skildist til, þá ætla þeir feðgar að gera bátinn út á línu.

 

Nafnið á útgerðinni er Útgerðarfélagið Bylur ehf. og báturinn mun fá nafnið Kaldi.

 

Ég náði nokkrum myndum af því þegar Örvar sigldi bátnum inn í Siglufjarðarhöfn. Ég náði líka nokkrum myndum af mótökunum sem hann fékk þegar hann lagði að landi.

 

Við óskum þeim innilega til hamingju með þetta allt saman og megi þeim vegna vel.

 

 

Tómas Óskarsson til vinstri og Örvar Tómasson til hægri.

 

Gunni Óðins kom og aðstoðaði þá feðga við það að festa bátinn við bryggju.

 

 

Margir komu til að samgleðjast þeim feðgum.

 

Móttökurnar voru ekki af verri endanum.