Vonskuveður á Holtavörðuheiði

Lögreglan í Borgarnesi og á Vestfjörðum vekur athygli ökumanna á vondu veðri á Holtavörðuheiði.  Heiðin er ekki ófær en þar er hált, hvasst og blint.

Samkvæmt upplýsingum frá fjarskiptamiðstöð ríkislögreglustjóra er vindhraði nú um 20 metrar á sekúndu og hefur heldur verið að bæta í vind. 

Vindhviður hafa verið að fara upp í 25 metra.  Miðað við veðurspá má búast við þessu ástandi eitthvað fram á dag.
 
Ökumenn hafa verið að lenda í vandræðum en þó hefur ekki þurft að kalla til aðstoðar björgunarsveita.