Ýmislegt um að vera hjá SR-Vélaverkstæði
Um þessar mundir er verið að innrétta skrifstofuhúsnæði hjá SR-Vélaverkstæði og SR-Byggingavörum.
Húsnæði þetta er á efri hæðinni að Vetrarbraut 14 hér á Siglufirði. Þar var áður varahlutalager Síldarverksmiðja Ríkisins sem nú hefur verið lagður niður.
Um er að ræða 190 fermetra húsnæði, þar koma fjórar skrifstofur, hreinlætisaðstaða og vel búið fundarherbergi með fjarfundarbúnaði og öðru því sem nútíma fundarherbergi þarf að hafa. Settir verða gluggar í suðurhliðina. Skrifstofurnar hafa hingað til verið í leiguhúsnæði í næsta húsi sem er orðið lélegt, þannig að nú er tímabært að nýta húsnæði þetta sem er í eigu SR-Vélaverkstæðis. Fleiri breytingar eru fyrirhugaðar hjá fyrirtækinu, kaffistofa starfsmanna sem nú er á jarðhæð flyst upp á efri hæð, og trésmíðaverkstæði sem núna er þar uppi verður á jarðhæðinni.
Athugasemdir