Kaffi Rauðka

Kaffihús Rauðku býður skemmtilegan matseðil sem höfðar til allra. Salöt, panini, kökur, smurbrauð og fjölbreytt úrval drykkja sem hægt er njóta innan dyra sem utan í nálægð við smábátahöfnina.

 

Kaffi Rauðku má skipta í þrjár einingar. Kaffihúsið og barinn sem staðsett er í suðurenda hússins. Útsýnið frá Kaffi Rauðku er vægast sagt stórkostlegt en þaðan gefast gestum kostur á að njóta útsýni yfir smábátahöfnina og leiksvæði Rauðku þar sem börn og fullorðnir leika sér í minigolfi og spila strandblak. Þar geta þyrstir, hungraðir og skemmtanaglaðir vegfarendur gætt sér á svalandi öli, rjúkandi heitu kaffi og gómsætum réttum. Á barnum er síðan lifandi tónlist með skemmtilegri trúbadorstemmningu sem allir geta notið samkvæmt auglýstri dagskrá.

 

Í norðurhluta Rauðku er veislusalur með sæti fyrir um 90-130 matargesti. Þar er reiddur fram hágæða matur að hætti Hannesar Boy. Á efri hæð norðurendans er minni aðskilinn salur sem hægt er að nota til fundarhalds, lítilla veisla, eða jafnvel sem framlenging á stóra salnum niðri.

 

Í salarkynnum neðri hæðarinnar er skemmtanahald í hávegum haft og mikið lagt uppúr sérstæðri upplifun fyrir alla aldurshópa með skemmtilegri og lifandi tónlist og öðrum uppákomum. Í salnum er fullkomið tónleikakerfi fyrir hljómsveitir og er hann einstaklega vel fallinn til tónleikahalds.

 

Kaffi Rauðka er staðsett að Gránugötu 19

Sími: 461-7731

Netfang: eldhus(at)raudka.is

 

Heimasíðu Kaffi Rauðku má nálgast hér